610 போதை மாத்திரைகள் – கஞ்சாவுடன் கும்பல் கைது

கோவை ஜூன் 12 கோவை மதுவிலக்கு அமல் பிரிவு போலீஸ்இன்ஸ்பெக்டர் சரவணன் ,சிறப்பு சப் இன்ஸ்பெக்டர் கிருஷ்ணமூர்த்தி ஆகியோர் நேற்று மாலை பீளமேடு எல்லைத் தோட்டம் பகுதியில் ரோந்து சுற்றி வந்தனர். அப்போது அங்கு சந்தேகப்படும்படி நின்று கொண்டிருந்த 5 பேர் கொண்ட ஒரு கும்பலை பிடித்து சோதனை செய்தனர். அவர்களிடம் 610 போதை மாத்திரைகளும், 500 கிராம் கஞ்சாவும் இருந்தது கண்டுபிடிக்கப்பட்டது.இவைகள் பறிமுதல் செய்யப்பட்டன. இது தொடர்பாக 5 பேரும் கைது செய்யப்பட்டனர்.விசாரணையில் இவர்கள் பீளமேடு பயோனியர் மில் போலீஸ் குடியிருப்பு பகுதியைச் சேர்ந்த அஜித்குமார் ( வயது 27) ஆவாரம்பாளையம் இளங்கோ நகரை சேர்ந்த கோகுல் ( வயது 25 )பீளமேடு எப். சி .ஐ . ரோடு ,ஸ்ரீ ராம் நகரை சேர்ந்த இளவரசன் ( வயது21) ரத்தினபுரி, மதியழகன் வீதி வினோத்குமார் ( வயது34) ரத்தினபுரி அண்ணா வீதி அரிகிருஷ்ணன் ( வயது34 )என்பது தெரியவந்தது . 5 பேரும் நீதிமன்றத்தில் ஆஜர் படுத்தப்பட்டு சிறையில் அடைக்கப்பட்டனர்.