தீபாவளி பண்டிகையை யொட்டி கோவையில் இருந்து 4 நாட்களில் 36 ஆயிரம் பேர் விமானத்தில் பயணம்

கோவை அக்டோபர் 23 கோவை விமான நிலையத்திலிருந்து உள்நாடு மற்றும் சார்ஜா, சிங்கப்பூர், அபுதாபி உள்ளிட்ட நகரங்களுக்கு விமான சேவைகள் உள்ளது. இங்கிருந்து தினமும் சராசரி 30 முதல் 33 விமானங்கள் இயக்கப்படுகின்றன. தீபாவளி பண்டிகையை முன்னிட்டு 4 நாட்களில் உள்நாடு மற்றும் வெளிநாடு பிரிவுகளில் 130 விமானங்கள் இயக்கப்பட்டன .இது குறித்து விமான நிலைய அதிகாரிகள் கூறியதாவது:- முன்பு பயணிகள் எண்ணிக்கை 10 ஆயிரத்துக்கும் குறைவாக இருந்தது.. தீபாவளி முன்னிட்டு கடந்த 17-ந்தேதி முதல் 20 – ந் தேதி வரை 4 நாட்கள் விமானங்கள் இயக்கம் மற்றும் பயணிகளின் எண்ணிக்கை அதிகரித்தது. அதன்படி 17-ந்தேதி முதல் 20 – ந் தேதி வரை 4 நாட்கள் விமானங்கள் இயக்கம் மற்றும் பயணிகளின் எண்ணிக்கை அதிகரித்தது. அதன்படி 17 – ந் தேதி 32 விமானங்கள் இயக்கப்பட்டன .இதில் உள்நாட்டு பிரிவில் 9, 959 பேர் ,வெளிநாட்டு பிரிவில் 461 பேர் என மொத்தம் 10,420 பேர் பயணித்தனர் 18, 19 – ந் தேதி களில் மொத்தம் 60க்கும் மேற்பட்ட விமானங்கள் இயக்கப்பட்டன. அவற்றில் 20 ஆயிரத்துக்கு மேற்பட்டோர் பயணித்தனர் தீபாவளி தினத்தன்று 31 விமானங்கள் இயக்கப்பட்டன இதில் மொத்தம் 6, 341 பேர் பயணித்தனர். அந்த வகையில் 4 நாட்களில் இயக்கப்பட்ட 130விமானங்களில் 36 ஆயிரத்துக்கும், மேற்பட்டோர் பயணம் செய்தனர். இவ்வாறு அவர்கள் கூறினார்கள்.